الشّلــــــــــــــوف الرّاقــــــــــــي

الشّلــــــــــــــوف الرّاقــــــــــــي
قال الشّلوف الراقي للجاجةِ ليش متقاقي
قالتلوا شو دخَلك ! قلّها ضيقتيلي خلاقي
قالتلوا أنا حرة
والعيشة معك مرّة
و أنت عيونك لبرّا
وإنو غيري بتلاقي
قلها يقطعك وين متروحي هون وهون
والله إنك عشقاني
جايينا ديك برّاني وما عم تتلاقي
قالتلوا في الله وفي الرّب بيعرف شو مخبئ بالقلب
يا ما كنت حدّي تطب وتنقر نمَّز عن ساقــــــي
قلّها إنتِ معي تغيرتي
وكتير عليّ تكبرتي
بنت عمي ومرتي
وأنا مثلك ما بلاقي
قالتلوا جايينا ديك ما أحلاه
والله وخيتي بتتمناه ....
حلو ... مزرزق بجرياتو
وبديني إنو راقي .........
قلّها يقطعك شو متجني شو حلو أكتر مني
ليكي وجهي ما أحلاه أحمر مثل الدّراقِ
قالتلو البارحة شفتك.... بالجّورة
معك الجيجي .......... الزّرزورة
واليوم عند .............. القنبورة
وما عاد شفت قراقي ...
قال لو بيقولوا العالم جَنْ
ما عاد بات بهذا القن
لولا كرامة أبو الحن
بكرا حسابك بتلاقي
قلّها الله يبعتلك وجعة قرّقتيني متل البجعة
على قنّي مالك رجعة وبكرا عليّ تشتاقي

شو هاد أستاذ مجد وين ملاقيها
بس حلوه هاه

حلوكتير مجد شكرا إلك بحب ضيف شوي من بعد إذنك

قلا الشلوف الراقي للزيغة ليش بتقاقي

قالتلو روح يا شلوف حكيك ضيقلي خلاقي

بكرا لما بتصير ديك بحكيلك عن عشاقي

قلا أنت زيغة جلقة والعمر بيمرق سرقة

بكرا بتصيري قرقة بتصيري تبوسي ساقي

بتجنن من الضحك * عم أبو وسيم * بس تكون انت راضي عنا
مشكور كتتتتيييييييير إلك * ranger* للإضافة